ജിങ്കന്‍
തോല്‍പ്പിക്കുമെന്നുറപ്പിച്ചു
ബ്ലാസ്റ്റേഴ്‌സിനു മറുപടിയില്ല
മര്‍ഗാവ്‌ : രണ്ട്‌ ദിവസം മുമ്‌ബ്‌ എ ടി കെ മോഹന്‍ ബഗാന് സെന്റര്‍ ബാക്കായ സന്ദേശ്‌ ജിങ്കന്‍ നടത്തിയ പരാമര്‍ശങ്ങള്‍ കേരള ബ്ലാസ്‌റ്റേഴ്‌സ്‌ ആരാധകര്‍ക്ക്‌ അത്ര ഇഷ്ടപ്പെടാത്തവ ആയിരുന്നു. ആറു വര്‍ഷങ്ങളോളം കേരള ബ്ലാസ്‌റ്റേഴ്‌സിന്റെ എല്ലാമായിരുന്ന ജിങ്കന്‍ കേരള ബ്ലാസ്‌റ്റേഴ്‌സിനെ തോല്‍പ്പിക്കല്‍ ആണ്‌ ലക്ഷ്യം എന്ന്‌ പറഞ്ഞപ്പോള്‍ അതൊരു പ്രൊഫഷണല്‍ രീതി മാത്രമായിരുന്നു. തന്റെ എതിരാളികള്‍ ആരോ അവരെ തോല്‌പ്പിക്കുക എന്നത്‌.
എന്നാല്‍ ജിങ്കനെതിരെ തിരിയുകയാണ്‌ കേരള ബ്ലാസ്‌റ്റേഴ്‌സ്‌ ആരാധകരില്‍ ചിലര്‍ ചെയ്‌തത്‌. ജിങ്കന്‍ എ ടി കെ മോഹന്‍ ബഗാന് ഒരു ബാധ്യത ആയേക്കും എന്ന്‌ വരെ വിമര്‍ശകര്‍ പറഞ്ഞു. എന്നാല്‍ മുന്‍ കേരള നായകന്‌ തന്റെ പുതിയ ക്ലബില്‍ ഗംഭീര അരങ്ങേറ്റം തന്നെ നടത്താനായി.
കേരള ബ്ലാസ്‌റ്റേഴ്‌സ്‌ അറ്റാക്കിനെ തിരിക്ക്‌ ഒപ്പം നിന്ന്‌ സമര്‍ത്ഥമായി ജിങ്കന്‍ തടഞ്ഞു. പരിക്കേറ്റ്‌ ഒരു സീസണിലധികം പുറത്ത്‌ നിന്ന ജിങ്കന്റെ ആദ്യ മത്സരമായിരുന്നു ഇത്‌ എന്ന്‌ വരെ ആരും പറയാത്ത രീതിയിലായിരുന്നു ജിങ്കന്റെ പ്രകടനം.
ജിങ്കന്‍, തിരി സെന്റര്‍ ബാക്ക്‌ കൂട്ടുകെട്ട്‌ ഈ ഐ എസ്‌ എല്ലിലെ
ഏറ്റവും മികച്ച ഡിഫന്‍സീവ്‌ കൂട്ടുകെട്ടുകളില്‍ ഒന്നാകും എന്നും ഇന്നലത്തെ എ ടി കെ
മോഹന്‍ ബഗാന് ഡിഫന്‍സിനെ വിലയിരുത്തുമ്പോള്‍ മനസ്സിലാകുന്നു. ജിങ്കന്‍ ഇന്നലെ 9
ക്ലിയറന്‍സുകളും 2 മികച്ച ടാക്കിളുകളും നടത്തി. രണ്ട്‌ ബ്ലോക്കുകളിലൂടെ അരിന്ദം
ഭട്ടാചാര്യക്ക്‌ ഒരു ഷോട്ട്‌ പോലും തടുക്കേണ്ടി വരില്ല എന്നും ഉറപ്പാക്കി. കേരള
ബ്ലാസ്‌റ്റേഴ്‌സ്‌ ഡിഫന്‍സില്‍ ജിങ്കന്‍ ഉണ്ടായിരുന്നത്‌ വെറും ഭാഗ്യം
കൊണ്ടായിരുന്നില്ല എന്നും പരിക്ക്‌ ജിങ്കനെ പിറകോട്ട്‌ അടിച്ചിട്ടില്ല എന്നും
തെളിയിക്കുന്നത്‌ കൂടി ആയിരുന്നു ജിങ്കന്റെ പ്രകടനം.
No comments:
Post a Comment